Read full review
2022-05-13
373 views
喺屋企自己蒸海鮮就食得多，喺餐廳食真係第一次! 喺openrice見到呢間餐廳價錢唔算貴，而且喺銅鑼灣咁方便，就試下有幾咁鮮味啦～環境舒適，枱與枱之間算係闊落，坐得耐都唔怕。餐牌有幾款套餐選擇，或者可以單選海鮮，而我哋2人就揀咗$439嗰套餐，一共10款食物。首先店員會為客人用蒸氣消毒餐具同埋逐一介紹枱面上嘅海鮮，然後換水準備蒸海鮮luuu。店員會將每樣海鮮分開整，食完一款先蒸另一款，咁樣可以唔使食得咁急又可以保持鮮味!刀具貝同月亮貝多汁鮮甜，尤其是月亮貝!!!千祈唔好點醬油食，因為真係好甜~.珍珠蠔偏海水味，蠔味極濃，而越南大虎蝦膏超多，肉質彈牙.鮑魚偏腍身，甜度十足.店員話全部都係野生海鮮，的確食野生青口時真係感受到! 青口充滿海水味，而且超級甜。食完以上嘅前菜，重頭戲嘅龍蝦、饅頭蟹同埋黃奄蟹終於出場啦!店員將龍蝦蒸得啱啱好，一拆就可以原隻肉剝出來食，好過癮呀～而饅頭蟹雖然肉唔算多，但勝在蟹膏超鮮甜，入口即溶。黃奄蟹就較為多肉，偏海水味重，但絕對冇死鹹味，好味。.食完海鮮，店員會幫忙烹煮蔬菜同埋豬骨粥，為呢餐畫上句號，。總括而言，咁多樣海鮮，全程又有人服務，呢個價錢真係抵過喺屋企食
環境舒適，枱與枱之間算係闊落，坐得耐都唔怕。餐牌有幾款套餐選擇，或者可以單選海鮮，而我哋2人就揀咗$439嗰套餐，一共10款食物。
首先店員會為客人用蒸氣消毒餐具同埋逐一介紹枱面上嘅海鮮，然後換水準備蒸海鮮luuu。
店員會將每樣海鮮分開整，食完一款先蒸另一款，咁樣可以唔使食得咁急又可以保持鮮味!
刀具貝同月亮貝多汁鮮甜，尤其是月亮貝!!!千祈唔好點醬油食，因為真係好甜~
.
珍珠蠔偏海水味，蠔味極濃，而越南大虎蝦膏超多，肉質彈牙
.
鮑魚偏腍身，甜度十足
.
店員話全部都係野生海鮮，的確食野生青口時真係感受到! 青口充滿海水味，而且超級甜。
食完以上嘅前菜，重頭戲嘅龍蝦、饅頭蟹同埋黃奄蟹終於出場啦!
店員將龍蝦蒸得啱啱好，一拆就可以原隻肉剝出來食，好過癮呀～
而饅頭蟹雖然肉唔算多，但勝在蟹膏超鮮甜，入口即溶。黃奄蟹就較為多肉，偏海水味重，但絕對冇死鹹味，好味。
.
食完海鮮，店員會幫忙烹煮蔬菜同埋豬骨粥，為呢餐畫上句號，。總括而言，咁多樣海鮮，全程又有人服務，呢個價錢真係抵過喺屋企食。
Post
