忽然朋友得閒可以食個快餐，中環區其實食得啲咩😂聽同事講附近開咗間新加坡餐廳，套餐黎講，唔貴，但唔好期望會好食，聽完個心都有啲涼，不會時間緊逼，無得揀都無咩好揀，都照去啦。
打電話去訂台，好彩，人數得2個所以都仲有位，但講明因為午餐時段，所以遲多一分鐘都唔留（我有問過差少少呢？Sorry~一分鐘也不能多，好啦，未夠鐘就即係滾落去拎位，我有台有得食就已經好感謝啦🙏🏻）
可能係價錢方面真係好吸引？好短嘅時間就已經差唔多全院滿座；其實選擇都幾多：喇沙，冬蔭公冷麵，擔擔麵？？安全起見都揀個安全又推介嘅喇沙，加$10仲有頭盤同飲品，揀咗個冷茄子沙律同凍咖啡。
都等咗一陣，先上個冷茄子沙律，黑色一片片，原來係燒茄子黎嫁，青蔥，莞茜純裝飾用，而所謂嘅鮮青檸醬柚汁？我真係一啲都食唔到，我食到嘅只係一舊舊淋咗嘅黑茄子配上一啲好甜嘅不知名黑色醬汁⋯⋯
個雞肉喇沙⋯雞肉好乾好鞋（我無食晒）個麵好似未煮熱咁，仲係成個餅嘅型狀，食落唔軟仲有啲啲硬，啲湯算有啲暖（有就咁將啲熱湯淋上個麵就出菜嘅嫌疑🤔🙊）我同朋友都唔太鍾意蛋麵，但午餐時段係無得更改，想配其他麵？歡迎你晚市再黎過（其實聰明嘅做法，有限嘅選擇，減低出錯嘅風險而廚房都有多啲時間去準備）
湯底？真係唔好咁有期望，喇沙味椰漿？可能有？不過淡到唔點食到，所以問咗店員拎辣椒絲，店鋪真係好好生意，店員都忙到陀陀轉，有需要叫多幾次，一係搵唔到人，一係就佢地唔記得。
杯凍咖啡？真係唔好提。。
真係學同事話：算抵嘅，但你唔好expect 好食；座位同座位之間相隔好近，而店員一係就唔係好想理人（我隔離台個外國人，店員上咗杯野飲，佢都唔知係咩，搞到我忍唔住出聲問一問）一係就忙到唔想理人，其實，如果有分店，我無諗過會係咁嘅資素，但係中環，有個地方坐，無分時段（暫時未？🙊），一個套餐包咁多野，你仲可以計較啲咩😑
