睇到佢Menu啲甜品真係急不及待想食呀，不過。。都要食左正餐先既！餐廳Menu真係好多花款，樣樣都好似好正咁，真係好難選擇！搞左好耐我先決定到。。
最後我揀左豪華定食既 - 鹽燒鯖花魚定食！
豪華定食包括有前菜，主菜，湯同一碗飯，仲送一杯雪榚
前菜內有兩種豆同紅蘿蔔，酸酸地好開胃！
嘩！個魚皮爆到好脆，上面仲有鹽燒香味，好好味啊！
鯖魚肉質好滑，連埋啲皮一齊食，鹹鹹地好正，加少少檸檬汁更能提鮮！
朋友食既係蒲燒鰻魚飯定食，同樣包括有前菜同湯
朋友俾左少少鰻魚俾我，鰻魚夠厚身，口感豐滿，而且好香燒汁味，都幾好味！
嘩嘩嘩，終於等到食甜品喇，我個豪華定食，跟餐送既日本水蜜桃（4等分）併燒番薯霜淇淋
水蜜桃真係好香甜，再配埋個軟滑雪榚，好正呀！雪榚底部仲用左燒番薯，口感幾特別
Menu見到咁靚既甜品，忍唔住又另外叫左一個
賣相真係好靚，有一球士多啤梨雪榚，再配軟雪榚，左右兩邊加左新鮮既士多啤梨！
內裡有些紅豆，寒天等，味道帶點酒味，幾得意！
最後來一杯餐茶，好寫意
呢個定食餐，有齊前菜、主菜、湯、飲品同雪榚，講真$88真係幾抵食！一個餐滿足晒幾種要求！
