小辣川

Open Now

Now Closed

天氣凍最岩吃各種煲，呢間位於柴灣漁灣街市樓上既熟食中心，叫小辣川任飲任食打邊爐，有雞煲、烤魚、牛雜鍋及火鍋🍲，我當然選擇左最愛牛雜鍋，呢一度200蚊就可以任食任飲仲有海鮮供應💁‍♀️一個價錢兩種享受，一應俱全😌我個人推介必叫牛大人牛雜鍋，每一鍋嘅牛雜都份量十足，牛雜用料新鮮，完全沒有酥味腥味，牛雜裏面有牛蒡牛肺牛腸牛肚仲有啲牛腩，而且牛蒡新鮮嫩滑，上枱就已經充滿香气，牛肺都好爽滑佢哋全部牛雜都鹵得相當入味非常之軟腍，如果一鍋唔夠仲可以嗌多幾轉，吃🍽️到夠為止😌自助區就放滿咗打邊爐料有個大雪櫃放滿左各式各樣嘅配料，無論係肉類定蔬菜都一應俱全，嫩滑豬紅，肉汁爆棚牛丸牛柏葉魷魚仲有鮮嫩脆綠的蔬菜🥬仲有各式各樣嘅海鮮，連蟹都有而且每一隻都有膏好鮮甜 ，仲有蝦蜆，放哂後牛雜湯越煮越有味道。飲品🥤方便都係大同小異汽水檸檬茶烏龍茶啤酒都有幾款選擇，總有一款啱你