牛陣 (大埔超級城B區)

Open Now

Now Closed

好耐冇食過牛陣嘅火鍋，對於牛魔王嘅我哋，當然要試吓呢期推介嘅冬暖美鍋啦。見到門口都比較多人等位，我哋就攞飛等位，等左大約15分鐘已經入得去了。入面客人都比較多，好旺場！而且我哋坐嘅位置比較靠近自助火鍋食物吧，攞食物非常方便。醬汁豉油更可以自己調校，仲有我最鍾意嘅辣椒絲。好快湯底冬暖美鍋就來了，湯底好香濃，入面更有不同嘅火鍋配料淆湯。和牛嘅條紋非常平均，而且切成薄片，一盤都有好多片，食落去牛肉嘅質感好軟熟，而且非常新鮮，好正。蔬菜類放入湯底更加入味，不得不叫我最鍾意嘅豆腐！除咗香滑嘅質感之外，仲可以養顏。甜品更有不同口味嘅雪糕選擇，自己舀完之後更可以加以可可米、朱古力球等等嘅脆卜卜配料一齊食，更加滋味。最後仲有每人一份水信玄餅贈送，更有兩款調味料配以玄餅一齊食，當中嘅黑糖甜甜地，味道好match。最後埋單都只係＄1300左右，食物質素高，而且價錢合理，更可以任飲任食，非常滿足。