Paisano's Pizzeria

之前諗住買成個pizza返屋企同阿媽試下，最終都都無咁做到。今日測完驗，心情輕鬆，一心諗住食車仔麵放肆下，點知行下行下就來到巨大Pizza廳門口，突然心血來潮就入去望下個價錢，有平有貴，非常足料的pizza好像向我揮手，叫我買佢一樣，所以就暫時放下車仔麵的念頭，買咗一件Hawaii Slice ($35)。雖然有好多人在等，但應該佢哋嗌成個pizza，所以要等耐D。不到兩分鐘我就pizza到手，因為已經有現貨在Display爐中。熱騰騰的pizza到手，按捺不住自己的食慾就先咬一啖，香濃的蕃茄味就立時充滿整個口腔，原本想一路行一路食，實在太好食的緣故令我站在店舖對面繼續品嚐！ 雖然材料只係菠蘿及火腿，但係非常的足料，加上在個醬又夠"出"，所以唔使料多都可以滿足我的味蕾！一件大pizza都花咗我大約20分鐘先KO佢，非常飽，非常滿足！晏晝口腔仍殘留著香濃的蕃茄味！
相比出名的pizza店，雖然無得揀厚批定薄批，但論價錢及味道，就已經贏pizza店幾條街啦。