金禾餐廳 (Closed)

今晚又冇飯食，返到屋企樓下，諗住買外賣，但諗諗下都係入去食完先返屋企。入到去，侍應推介了好多今日菜色，但都不感興趣，後來她就推介了一個鹽焗雞熏蹄飯，咁就要呢個啦。飯就要等一陣先有，侍應就俾一碗例湯給我飲住先，碗湯有埋豬骨，雖然冇咩特別，但都叫做有下湯水飲下。碟飯終於等到，鹽焗雞好香，食到一陣陣五香味，雞又滑，熏蹄有好幾舊，唔肥，又爽口，點埋醋就梗好味，碟頭又大，都幾抵食！有時候一個人食飯都有一個人好，起碼清靜啲同可以唔使理其他人。