紅茶冰室 (Closed)

平時翻工趕頭趕命，多數咬個麵包就當早餐。難得早左翻到觀塘，一於一個人去食個菜記早餐嘆下！ 紅茶冰室午餐時間大排長龍，早餐唔駛等位可以直入☺️早餐嘅選擇其實唔算多，麵餐配料都係基本嘢，幾乎係茶記必備嘅火腿通、榨菜肉絲米同沙嗲牛肉麵🤣 跟嘅配料其實都係只有蛋，當然自己可以選擇叫雙拼面。想食扒餐嘅話都只係得牛同魚嘅選擇。我就叫咗榨菜肉絲米，本身配炒蛋同丹麥多士，但我就轉左煎雙蛋。榨菜肉絲米聲稱係秘製🤣 但其實食落又真係幾香口，有辣味嘅香氣而又唔會過辣過油，炸菜切得粗身啲 都算爽口👍🏻 然後係邪惡嘅丹麥多士，入口牛油香大爆發😽煎蛋就係正正常常冇乜特別😹