KABO BURGER

某日既晏晝係尖沙咀自己一個人
都餓喇就諗食乜
鋪頭細細 都差唔多滿座
好彩一條友唔難搵位
叫左個招牌芝士牛肉漢堡餐加薯條
加多枝烏龍茶，等左一陣好快就有食得。
堂食始終會好食好多 麵包烘到包面脆脆地
我拎走枝竹籤，毫不猶疑就咁用紙包住個漢堡包黎食 呢個食法真係相當有滿足感
隨住一路食牛肉汁同醬汁就流返落麵包既底層，好快我已經鯨吞哂成個包。
食完個包都已經7成飽，
但薯條都仲係脆身 自己覺得略咸，
但薯條就係要咁先自好食。
黃得黎咁好食真係好痴線。