鬼滷 (Closed)

在Openrice找到這間無論裝修上或者菜式上都頗為吸睛的餐廳，令到正在找吃的我哋兩公婆猶如見到曙光。裝修風格以棗紅色為主調，偏向西式型格風，容器，碗碟，餐具以致枱櫈都一絲不苟，闊落舒適，頗有情調感，靠窗更加景色開揚。食物傳統和fusion兼備，賣相非常精緻，蘭王蛋蠔餅一個Openrice見到人人都必叫的菜式, 比我想像的還要好。簡單點形容是遊俠揉合了大阪燒和潮州蠔餅的一個創新結晶體，外層包括底面都炸得超香脆，加上日式的木魚碎增加味道層次，內裏除了飽滿肥大的新鮮蠔仔，還加入了木薯粉豐滿了口感，每一啖都飽滿鬆軟，配上大廚自家製的辣椒油，真係好好味！潮式滷水拼盤雖然只得兩個人，但都忍唔住選了五款的滷水拼盤，選擇了包括滷水鵝肉，豬仔髀，鵝腸，墨魚及慢煮鹽香雞。整體都非常出色，鵝肉及鹽香雞餐廳都預先去骨，啖啖肉，而且各自到非常入味，香滑。鵝腸清潔得好乾淨而且有滿滿的滷水香，非常爽口，應該餐廳專登預留少少油脂部位，突出多一份香口。墨魚晶瑩通透，味道鮮香而且非常軟淋。豬仔髀入味得來，肉質比較結實，但一點都不鞋口，一咬已經化開，好惹味。黑松露蔥油拌麵又一款帶點fusion的菜式，雖然加了黑松露和蔥油