合十 (Closed)

去到個門面已經覺得幾靚，職員服務又唔錯，可以讚吓。首先嚟兩杯drink，凍美式同戀愛預告。杯啡係香嘅，因為天氣熱，冰比例上多，但夠濃，所以溶冰後都唔覺太淡味。戀愛預告好睇都幾好味。黑松露薯條，有松露香，炸得唔油又香脆，好味道。Vegan all day breakfast，牛角包好香，牛油果夠熟，蛋夠滑，藜麥沙律都好新鮮，$108 值得一試。意式蔬菜薄餅（個人走煙肉同芝士），配料夠，底香脆，茄汁香濃，都好好味。加上呢間係animal welcome嘅餐廳，好多可愛嘅動物，職員對動物們都好nice，整體氣氛輕鬆，係一個唔錯嘅選擇。