明記甜品 (Closed)

🎀今日熊大等熊妹放工，放工有咩做？緊係食甜品宵夜喇！📍平日夜晚11點半🕦，聰嫂收左，轉戰對面《明記甜品》。📍西式中式凍食熱食甜品咩都有。芒果蛋白，$42📍芒果系列咁吸引，熊妹揀中芒果蛋白。蛋白即牛奶布甸🍮，實左啲，太多魚膠粉，又無咩牛奶味🥛。芒果汁好甜，芒果果肉都有好多粒，仲有啲爆珠同彈牙西米珠，配料算係有味的。紫薯窩夫，半份，$48📍本身熊有想食雜果西米露🥣，但熊大最愛的蜜瓜無哂，就轉食熊妹喜歡的窩夫。窩夫質感夠鬆脆的，但無乜紫薯味🍠，又無咩蛋味🥚，連一般街食的窩夫都比唔上。配料係啲無味的硬膠珍珠。雪糕筒🍦又話無貨，俾多球雪糕，熊妹就揀左至愛的綠茶味。📍整體就係一間普通的糖水鋪，味道一般，款式無特別，價錢略貴，如果想係銅記甜品界分一杯羮，熊妹認為要加把勁了。