Lockeroom Dining (朗晴坊) (Closed)

朋友食過介紹，又係足球主題，於是去同朋友試食。野食唔錯，價錢都抵，唯獨一名待應，扮有禮貌，但實程講野大大聲，內容有骨串你，放野食又大大力，又黑面，好似欠左佢咁。其實唔係真心想serve唔緊要，唔好扮有禮貌，你估d食客傻，睇唔到你行為背後同聽唔出你說話背後既意思？我地自問無做d咩令佢反感，唯一可能係佢覺得我地入黎時唔記得探熱，覺得有問題，其實係我地根本睇唔到見有個探熱器係牆，一般都係座地，所以好多人都無主動探。如果真係因為呢個原因而令佢咁唔滿意，都真係好搞笑。其他待應無問題，但因為唔想再撞到呢個人，我一定唔會再食。