龍門小棧 (Closed)

龍門小棧最近推出左晚市套餐，包括涼菜、小炒同飲品，而且有我幾鍾意既陽春麵。今日打完波同朋友去左龍門小棧。環境寬敞，樓底頗高。- 胡椒生煎包包底好脆，入面餡料有豬肉、胡椒同雪菜，味道非常香辣。- 重慶酸菜魚味道無重慶嗰啲咁辣，而且只有酸味。不過魚片分量幾多。跟餐叫左陽春麵，但陽春麵完全無味，加落酸菜魚一齊食就好好多。- 南翔小籠包小籠包好juicy，而且餡料幾多，不過略嫌皮有少少厚。- 紅燜大肉肉質相當軟稔，肥而不膩，另外醬汁偏甜，送飯一流。飲品方面，我同朋友揀左菊花薑蜜，非常暖胃。