一行二人點左兩個餐：
香茅豬扒雞湯河粉 $66，加$8 配熱龍眼蜜，再加$26配越式蒜蓉牛油雞翼(2件)。
第一次叫河粉配雞湯，覺得個湯好好飲，滿滿雞湯味，好滋補，我差點飲晒成碗湯！
蒜蓉牛油雞翼跟之前一樣，外層炸到好鬆脆，而肉質仍嫩滑及保留雞汁，讚！👍
再點左越式風味牛肉鍋配疏菜拼盤及特級肉眼河粉，再以$29追加安格斯牛肉(80g)，及配凍清甜談蔗汁，好觸渴！
估唔到錦麗會推出一人邊爐餐，入秋天氣開始涼涼地，點個一人邊爐都唔錯！而且安格斯牛肉片都好有牛味！
雖然坐位有少少迫，但唔想食麵時，食下河粉都係一個唔錯既選擇！😌
一人份量啱啱好，呢個價錢性價比相當高！下次可以再食！👍
