新齋橋 (Closed)

真係多謝一人燒肉嘅發明家😂因為方便又快捷，一份燒肉配有沙律🥗同麵豉湯飲🫶🏻仲有埋飲品同雪糕糯米糍食，真係好啱我！今晚係觀塘發現咗呢間燒肉店，大間又坐得舒服😳我哋一人嗌一份，分別係牛舌芯同西冷牛扒🥩，先講牛舌芯，八塊大大塊，解凍已經做得好好，放上爐每邊燒一陣就食得，肉質爽彈又有肉汁，好食😋而西冷牛扒大大份，肉質鮮嫩多汁，最正係自己掌控火喉，燒得剛剛好，正呀❣️座位仲有各種調味料🧂，果隻燒汁醬好好味🤤如果鍾意食辣味，仲有隻辣味燒汁，好不錯👍🏻食完仲有雪糕糯米糍，真係好豐富，而且價錢優惠，非常抵食❤️