LE-TA-SU 一人一鍋

Open Now

Now Closed

好耐都冇寫過食評，最近社交平台發現YOHO Mall新開業的一人日式火鍋店，今日放假就去試吓啦！店內環境開揚，等咗一陣就有位，叫咗人氣No.1嘅套餐，三種肉：牛肩胛、豬眼肉和牛舌，$135（300g)， 湯底極和出汁，味道清甜，野菜盛合擺得靚靚，加$6轉讚岐烏冬，嫩滑彈牙，自己加佢嘅芝麻醬，不過味道就唔夠香芝麻。涼拌芝麻菠菜作前菜，味道麻麻，份量少得可憐。好彩牛舌爽口涮涮五秒就食得，如果耐咗就會好靭，入座前有位師奶等朋友中先入座，問佢有咩好介紹好食嘅，我就跟着佢意見落單，果然冇錯，豬眼肉是來自美國，估唔到好食過牛肩胛，食吓個肚好似仲有啲空位，追加一客50g嘅五花牛，好似豬眼肉一樣咁滑溜。套餐都有限時食75分鐘，我都係食咗45分鐘左右，隔離旁邊半個鐘就食完埋單，原本想食埋甜品，不過等下次同埋媽咪一齊過嚟再試吓啦！