打吡餐廳酒吧 (Closed)

今日加班，諗住做埋D野，聽日可以安心度過weekend！但放工已經差唔多11點，肚餓又未食晚飯，但呢個時候又食唔落咁多野。就一於去銅鑼灣摩理臣山道80-82號地下的＂打吡餐廳酒吧＂食宵夜。而且今日係星期五，又可以一邊聽歌，一邊食野。首先叫左啤酒🍻解下渴，放鬆下！再叫個芝士焗肉醬薯條$98，即叫即炸的香脆薯條，面頭淋上芝士焗肉醬，肉醬酸酸甜甜好開胃，配熱辣辣的拉絲肉醬（芝士🧀控唔可以錯過，必食推介），真係見到都垂涎欲滴呀！燒雞泡魚乾$88 的味道好香，乾乾地好有咬口，而且越食越好味，配啤酒更係一流