爆爆鍋 (Closed)

聽朋友講呢度有個鍋會起火既，今日收工就一於同朋友黎試下。呢度自助點餐既，點完餐，店員會黎幫你炒同起鍋。雖然係單點，但係一個套餐勁豐富，仲有自助區蔬菜任拎。呢度係一人一鍋，幾好又衛生，最近流感高峰期，咁樣衛生好多。❤️綜合海鮮拼盤套餐 好大盤，d魚腩，海蝦大大隻，勁新鮮，啖啖肉。🔥爆炒燒酒烏雞鍋店員起鍋時，先炒香d烏雞，然後淋上燒酒再點火，好似表現咁，超正。最後加湯，完成。呢個湯底好補呀。🔥懷念鹽酥雞外脆內軟，口感一流。🔥寒天翡翠檸檬酸酸甜甜，開胃又解渴。❤️安格斯牛小排套餐牛肉油脂均勻，好味道。🔥爆炒櫻花花鮮鍋店員先落櫻花蝦同配料炒香，再一片牛肉去起鍋，最後加湯同醬料。湯底勁香，充滿櫻花蝦鮮味。🔥鳳梨涼拌章魚章魚爽脆，鳳梨醬清香。🔥蘋果QQ冰紅茶酸酸甜甜，幫助消化，又充滿茶香。估唔到套餐都咁多野食，我地兩個女仔都食唔晒d野，份量多，款式多，仲要一人一鍋又衛生。