巴辣仔烤魚雞煲 (加連威老道) (Closed)

平日出街食飯，好少食魚同菜。今日心血來潮好想食烤魚，好多烤魚店都要大顆人一齊食，突然諗起呢度有一人一爐嘅烤魚...啱哂今日無飯腳嘅我。午餐時段食豐富啲，揀咗「一人烤魚飯（沙巴龍躉）」仲可以加唔同配料，食完條魚可以繼續打邊爐。香辣湯底好惹味，加幾蚊就有一款配菜，啱哂我呢d咁貪心，樣樣都想試嘅人。龍躉好大條，擺滿整個烤爐。魚肉夠哂嫩滑，就算煮耐咗，都唔影響質感。下面仲有芽菜．豆腐卜，吸哂湯底嘅味道，超正👍🏻再加咗豬大腸．雞翼尖．滑牛肉．墨魚仔，上碟嘅時候已經煮熟了，輕輕加熱一下就食得😋飲品種類都好多選擇，揀咗「雪燕落神花茶」嘩...大大杯，仲可以自由選擇多冰少冰/多甜少甜👍🏻好貼心。