佐賀山田呢度主打燒肉或火鍋放題，任君選擇，友人睇中左今期主打嘅廣島蠔鍋底x牛板腱
入到去座位寬敞，即使火鍋燒肉集於一店，都唔會好大陣油煙味，值得一讚。
肉類同海鮮小食係用qr code落單，其他都係自助出去攞，雪櫃有一排排菜盤感覺乾淨衛生，另外仲有一排飲品櫃任君選擇，有大量嘅茶同汽水可以揀，菜類同丸類食品選擇同樣豐富
湯底係一人一鍋，我哋分別要咗廣島蠔味噌鍋同雞白湯湯底。蠔鍋用料十足，有起碼五六隻蠔。雞白湯十分清甜，雞肉軟滑。兩款湯底用嚟食牛肉都好襯。
值得一讚係呢度嘅肉類唔會因為再叫多幾次就質素變差，每一碟都係保持到相同質素
最後唔少得甜品櫃，仲有多款雪條雪糕
