Video
Read full review
2023-05-23
16 views
嚟將軍澳探朋友，之後一齊食晚飯。有人心血來潮，想打邊爐，由友人帶路，嚟咗帝景灣商場 1/F 呢間台式火鍋店「湯•米」。餐廳主打台式鍋物，店內佈置簡約，裝潢清新，加上門口嘅落地大玻璃，感覺分外開揚。細看餐牌，鍋物共有 10 款，除了熱門嘅招牌臭臭鍋、沙茶牛肉鍋之外，還有酸菜魚鍋、咖喱奶蓋鍋、泰式海鮮鍋等。藥膳豚肉鍋 ($96) 材料有豚肉、紅棗、枸杞、娃娃菜、雲耳、金針菇、鮮冬菇、豆腐、粟米、炸薯仔、炸枝竹同鳴門卷。湯底落足心機煲，入口充滿濃郁藥材香味，滋補又養生。豚肉肥瘦適中，嫩滑有彈性，食落完全無豬羶味。咗加 2 隻鮑魚 ($28)，好厚肉，結實鮮甜，肉質Q彈不痴牙！至於另一款巴蜀烤魚鍋 ($103 ) 用料亦唔馬虎，點了BB辣，材料有鯇魚、娃娃菜、雲耳、金針菇、鮮冬菇、粟米、炸薯仔、炸枝竹同鳴門卷等。湯底以豬骨、辣椒及香菜等熬成，入口辣度啱啱好。烤魚大大件，份量十足，少骨肉厚又夠滑，經脆炸後肉質仍有咬口。娃娃菜、雲耳、金針菇吸盡湯汁，非常入味。隨餐有白飯或粉絲一份，+$12 可升級為滷肉飯。滷肉鹹鮮濃香，軟腍入味，米飯選用珍珠米，肉汁滲透晒米飯入面，食落惹味甘香。台灣夜市小香腸
嚟將軍澳探朋友，之後一齊食晚飯。有人心血來潮，想打邊爐，由友人帶路，嚟咗帝景灣商場 1/F 呢間台式火鍋店「湯•米」。
餐廳主打台式鍋物，店內佈置簡約，裝潢清新，加上門口嘅落地大玻璃，感覺分外開揚。
細看餐牌，鍋物共有 10 款，除了熱門嘅招牌臭臭鍋、沙茶牛肉鍋之外，還有酸菜魚鍋、咖喱奶蓋鍋、泰式海鮮鍋等。
藥膳豚肉鍋 ($96) 材料有豚肉、紅棗、枸杞、娃娃菜、雲耳、金針菇、鮮冬菇、豆腐、粟米、炸薯仔、炸枝竹同鳴門卷。
湯底落足心機煲，入口充滿濃郁藥材香味，滋補又養生。豚肉肥瘦適中，嫩滑有彈性，食落完全無豬羶味。咗加 2 隻鮑魚 ($28)，好厚肉，結實鮮甜，肉質Q彈不痴牙！
至於另一款巴蜀烤魚鍋 ($103 ) 用料亦唔馬虎，點了BB辣，材料有鯇魚、娃娃菜、雲耳、金針菇、鮮冬菇、粟米、炸薯仔、炸枝竹同鳴門卷等。
湯底以豬骨、辣椒及香菜等熬成，入口辣度啱啱好。烤魚大大件，份量十足，少骨肉厚又夠滑，經脆炸後肉質仍有咬口。娃娃菜、雲耳、金針菇吸盡湯汁，非常入味。
隨餐有白飯或粉絲一份，+$12 可升級為滷肉飯。滷肉鹹鮮濃香，軟腍入味，米飯選用珍珠米，肉汁滲透晒米飯入面，食落惹味甘香。
台灣夜市小香腸 ($32) 香腸好 Juicy，皮薄而脆，咬落去仲有甜甜地嘅肉汁流出，好食。
芝士茶王8號 ($36) 奶蓋口感很輕盈，入口即化；茶底清香回甘，喝起來不苦澀，同芝士好夾。芋香珍珠奶茶 ($28) 甜度適中，香芋味好濃，珍珠超煙韌。
奶香嫩仙草 ($24) 仙草冰涼滑溜，花奶帶黑糖甜香，用嚟解辣一流！
Post
