豐鍋日式涮涮鍋 (Closed)

叫左$228個晚餐，係米國Prime嚴選牛肉任食，入場前要量體溫。我叫咗番茄湯底，清清地番茄味可以濃多少少。佢叫咗麻辣湯底，煲入面仲有鴨血，微辣幾香。兩個都Ok，視乎你想日式抑或港式邊爐feel～一開始每人有兩碟牛同兩碟豚肉起步，Prime牛夠大塊肥瘦適中，豚肉味道都Ok呀，全程都無漏單。平時日式火鍋都係食烏冬居多，呢度意外地有出前一丁😂 貢丸彈牙，仲有冰菜、羽衣甘藍都係必食。啤酒汽水任飲甜品方面，有朱古力同士多啤梨味Movenpick，另外仲有熱煲嘅雪耳糖水，同埋夾軟糖，好飽呀！