豐鍋日式涮涮鍋 (Closed)

石門一帶有好多特別嘅食店，一出地鐵站喺商場地下，就見到呢間豐鍋唰唰鍋放題食店，見到$228一位，可以任食牛肉和黑豚肉，而且仲係一人一鍋火鍋，真係好吸引，所以入去試吓。除咗肉類之外，其他火鍋配料都係自助形式，件食物排得好整齊，而且都好乾淨，加上而家餐廳安排座位嘅情況，坐得舒服，而且都令人安心。一人一鍋，可以選擇自己喜歡嘅湯底，今次我就試咗豉油湯底，比較清淡嘅選擇，等自己可以食多啲野。飲品有兩個雪櫃可以自己揀，啤酒都任飲，真係好抵，當然有其他汽水、果汁、涼茶等，能滿足各樣喜好。牛肉+黑豚肉你每一份咁上，兩款肉質都好鮮甜，而且切得薄片令到食火鍋嘅時候好方便。甜品時間，有多款糖果和高級雪糕，今日就有朱古力和雲呢拿味，細細杯可以食晒兩款味道，真係好滿足。