湯•米 (Closed)

阿妹做咗手術，在家休息，今日同老公去將軍澳探佢，之後去搵餐廳食飯，阿妹話附近的帝景灣商場，有間食一人一火鍋的台式火鍋店，叫做湯.米，天氣凍左好多，食個火鍋暖下身也不錯。火鍋配料方面都係差唔多，主要係選湯底、主食、辣度不同。每款都可以配飯或粉絲。老公喜歡食魚，所以要巴蜀烤魚鍋，材料有腕魚、娃娃菜、椰菜、雲耳、金針菇、鮮冬菇、豆腐、粟米、炸薯仔、炸枝竹、名門卷、香菜。巴蜀烤魚採取先烤後煨的方式烹製 ，烤魚啖啖肉，而且肉汁多夠鮮味，湯底滲晒入魚肉，辣辣哋好惹味！泰式海鮮鍋：呢款湯本身已經有少少辣，可以提升到鮮味，因為青口沽清，所以比多咗蝦我，材料有蝦、蕃茄、娃娃菜、椰菜、雲耳、金針菇鮮、冬菇、豆腐、粟米、炸薯仔、炸枝竹、名門卷、香菜。蝦新鮮好爽，湯底濃郁，酸酸辣辣好好味， 我選配粉絲，d粉絲吸收湯底精華好入晒味，爽口兼惹味！芝士茶茶8號：芝士香濃滑溜， 茶味清新不太濃。滿杯波蘿：好香波蘿味，甜度適中。