不過唔使怕啦，最近發現咗間一人一個湯底嘅火鍋店 滾得囍宮廷秘藏鍋物，自己揀鍾意口味，咁樣打邊爐就皆大歡喜啦！
我嗰日試咗卜卜蜆湯，啲蜆又大隻又鮮甜，屋企人就食花膠雞湯，淡淡膠原蛋白，即刻飲返碗湯，雞又嫩；另外我哋叫咗貴妃出浴牛乳浸手切本地牛，先浸十秒再淥，零舍滑，上枱嘅時候仲有乾冰襯托，打卡一流；另一款必點嘅係手打紫薯流心豬肉丸，豬肉丸夠晒彈牙，加埋紫薯流心夠創新，淡淡多一種香味；櫻花蝦墨魚丸真材實料，鍾意櫻花蝦嘅你一定唔可以錯過，個人大推；另外仲叫咗菜心苗，黃金響鈴，蟹籽蝦滑，同樣出色；加上環境闊落，啱晒同一大班朋友聚會打邊爐！
