牛摩+ (沙田中心) (Closed)

今日屋企人想打邊爐，上網見到牛摩有個新推出嘅椰子雞火鍋，火鍋配料仲配埋牛肩脊同埋牛小排，好吸引，就決定喺呢度打邊爐。我叫咗一個椰子雞湯鍋，屋企人叫咗一個牛肉湯鍋，兩個鍋各有特色，椰子雞嗰個嘅雞味同椰子味好濃，個鍋入邊仲有雞，真材實料！牛肉湯飲落去個湯好清甜但又有牛肉同埋香料嘅味道！呢個牛肩脊嘅油花好均勻，所以食落去真係有入口即溶嘅感覺，同埋佢薄薄一片可以食好多塊！呢個牛小排都幾大塊！肉質鮮美滑嫩，油花分布均勻，口感豐富細緻！個牛舌都好彈牙，同埋牛味同脂肪味濃郁，流曬口水！估唔到佢個豬同雞都幾出色，完全冇嗰種豬同雞冰鮮既味道，好新鮮！平時唔係特別鐘意食豬，呢個幾有驚喜！食咁多肉，緊係食下d菜清腸胃！多款式甜品作結！