湯火功夫麻辣燙 (Closed)

之前聽聞過湯火功夫，以為係賣湯品，但原來係食麻辣燙！知道之後緊係約埋麻辣buddy黎食！同一般麻辣燙一樣，先揀湯底再加餸。我地都揀左招牌麻辣湯底，辣度及麻度都可以分開揀大中小，如果唔夠仲可以自己之後再加，非常彈性麵底亦有河粉米線等可以選擇，個人認為麻辣都係襯薯粉比較match。配餸方面非常推介秘製牛肋，做得好稔好入味，稔到可以一夾就斷 ; 另外萵笋亦係必選，薄切嘅萵笋片好爽又唔吸油飲品方面都有特色 ，朋友嘅酸梅汁可以開胃減輕油膩感；而我嘅奶茶係解辣一流！餐廳店員除左有禮貌之外仲好貼心咁用牙線棒代替牙籤