話說我們一行三人好期待賞試這間越南餐廳, 但結果是「無下次」,簡直不知所為, 連最基本的生牛肉河或越南春卷都煮唔好,咁真係好失敗。
生牛肉湯粉 @ HK$48 - 整古做怪，無啦啦加入「丁香」係湯裡頭唔知做乜。模仿過橋米線，熱湯用銅煲即場加上，可惜湯不夠熱，無哩紋味，牛肉如鞋底，難食！
越南炸春卷 @ HK$38 - 食完都不知是什麽餡料，亦不鬆脆，十分難食！
菠蘿蝦膏炒飯 @ HK$68 - 全無蝦膏味的蝦膏炒飯，份量只適宜節食的人仕！
香芒柚子蝦沙律 @ HK$66 - 千年急凍疑似蝦的物體，難以下嚥，竟然有勇氣供客人進食，恐佈加難頂！
你估我唔到 @ HK$25 - (係一種飲品名稱) 我就真係估唔到原來咁難飲。好似係有三種飲料混合,其中一種是檸檬汁，另外兩種就唔記得了。不過飲完都無事!但係no good law。
越x薑 @ HK$25 - (係Cranberry Juice加薑汁) = 咳药水加薑汁，你估吓有幾好飲呢？！
紅豆冰 @ HK$28 = 太爺冰 (椰汁太濃)啦！
一句講哂「即時死刑」，唔會再比機會佢。求其搵一間越南餐廳都好食過佢, 話佢是全港最難食的越南餐廳都無走雞。
建議大廚去再培訓下正宗越南料理的煮法又或者去試下其他行家的菜比較下 (真心ga !)。
