丸玉拉麵 (Closed)

又是上完日文課程的一天。由CWB搭地鐵到TST行！順便去食晏。係今期「Needs」三月介紹了這間「丸玉拉麵」！係日本同海外都有分店。又去試一下。地點隱敝，係新東海商業中心。有d難搵。不過係去紅磡條天橋會見到個招牌！去到左，一點幾鐘，人唔係好多，一入去就有位。睇餐牌，係日文餐牌！（後頁英文)新張期內，招牌「丸玉拉麵」$63！點了「丸玉拉麵」（硬麵）同「燒叉燒」！好快就有得食。店員見我影緊相，很親切的提我趁熱食！欣賞他的細心！影完即刻食了。湯底香濃，有雞湯味，雖則有d咸，但不像CWB「魂」咸得過份！起碼不會另人口渴先！湯底合格！麵幼身，有d諗。（事後店員也很誠懇，說忘記提師傅煮「硬麵」）！夠誠實，我欣賞！至於旦方面，外皮結實，但內裡「溏心」！不知怎樣煮出的效果?總體來說，拉麵方面屬中上水平！至於叉燒方面，雖則有d油膩，但加了檸檬汁後，香口入味，加埋辣椒，更惹味！很快食完。很欣賞這裡的服務態度，店員親切細心，會主動問客人意見，交流意見。餐後，我和店長談論其他拉麵舖的特色，又講下他們拉麵的「製作過程」之類！ (他們設有自家廠房)總體來說，看得出店舖很關心客人的意見。（係我去其他舖頭所見唔到嘅)