Cinnabon (奧海城2期) (Closed)

呢個嚟自西雅圖🇺🇸嘅肉桂卷專門店今年年頭登陸香港，喺美國發展已有35年歷史，店內清一色只賣肉桂卷🍩，主打口味有原味、朱古力同焦糖胡桃共3款。呢度嘅肉桂卷每日新鮮製作，焗好後面頭會加上特製忌廉芝士糖霜，味道香甜濃郁😋，口感濕潤鬆軟。食之前，最好跟店員嘅建議放入焗爐或微波爐🔥整熱食，微熱溫度就啱啱好，糖霜輕輕融化喺麵卷表面，味道更佳，而且更香肉桂味。👍🏽.今次嚟到，除咗主打3款嘅口味外，更食到期間限定口味 - 焦糖蘋果🍎，玉桂卷上加上新鮮清甜嘅蘋果果肉，食嘅時候會多份清新感，味道層次更豐富。每朝叮熱嚟當做早餐🍴或者下晝下午茶☕️，配番杯香濃咖啡☕️就最好不過喇！