好豆製研究所 (Closed)

呢間豆乳店我一直都bookmark咗，佢成日令我諗起台灣嘅二吉軒豆乳專門店，今次嚟到，當然幾攰都要嚟買番支嚟飲吓啦！😝.呢間專門店以研究所為主題，採用加拿大非基因改造大豆，配合日本傳統製漿手藝做豆乳。唔好諗住賣豆乳就會好傳統、好老土，相反，佢哋裝修新潮又光鮮，地板、招牌都用上鮮黃色，好難搵佢唔到！😎加上非常得意可愛嘅黃豆公仔做招牌，令人一見就愛上😍，難怪阿叔一把年紀，飲完都唔捨得掉個樽，哈哈！😝😝😝.呢度一共提供17種唔同口味嘅豆乳，有原味、黑糖、紅茶、紅棗、小黃瓜等等，除非你對豆類敏感，否則總有一款啱你口味☝🏽。一支豆乳價錢由$18至$28，以佢哋質素，阿叔認為可接受。原本想飲特濃豆乳，可惜賣晒😩，一次過買咗原味($18)同埋抹茶($26)，前者雖然唔係特濃，不過都已經幾香豆味，飲落感覺厚身，唔會好稀，而且夠滑，唔算好甜添👍🏼；後者抹茶同豆乳味道亦好夾，抹茶味外亦飲到淡淡豆香。👍🏼👍🏼