杜老誌大飯店 (Closed)

話說某日阿叔👨🏻心血來潮想食宵夜🥢，經朋友介紹吓半夜三更🕛嚟咗呢間位於灣仔嘅中式菜館，店內大玩香港懷舊風格，麻雀館🀄️、機舖🕹、夜總會👯‍♀️等裝修，五光十色嘅霓虹招牌💈，令阿叔好似返到細個時候咁👦🏻！.呢間中式菜館就如樓上版嘅大排檔，好多特色小炒🍳、海鮮🦞、送酒小食🍢提供。好耐無瘋狂哋食宵夜喇，跟朋友又啤酒🍻、又飽魚、又龍蝦🦞，超開心、大滿足嘅一晚！😝當中精選菜式如下：.🍴#豉椒肉鬆炒蟶子王，蟶子味道鮮甜😙，肉質爽口，除咗豉椒外，呢度加入大量肉鬆炒，你可以好似食生菜包咁用生菜包肉鬆同埋蟶子一齊食。😋😋😋.🍴#蒜蓉粉絲蒸元貝，大大粒嘅元貝，蒸嘅時間剛剛好，唔會太老，鮮甜彈牙，最鍾意啲粉絲索晒蒜汁，食得好滋味！🤤🤤🤤.🍴#芝士焗龍蝦，成隻手咁大嘅龍蝦🦞開半，面頭放上勁多芝士🧀去焗，賣相夠晒邪惡，龍蝦肉質爽滑，雖然芝士味較濃，但亦食到龍蝦嘅鮮甜，值得推介。👍🏼👍🏼👍🏼.#花甲蒸水蛋，成朵太陽花🌻嘅造型，非常吸睛，你話點可以唔相機食先呢！鮮甜花甲，超嫩滑蛋，用嚟送飯簡直一流！🍚🍚🍚