浮生 (Closed)

慢活係阿叔👨🏾呢一、兩年追求嘅目標🎯，人生苦短，工作係緊要，不過得閒放輕腳步👣，過番啲簡單生活、適當嘅休息💤都好重要架！呢間位於大角咀嘅新開咖啡店以浮生若夢為概念，就係希望大家嚟到可以放鬆一下擺脫煩惱😌。.咖啡店以綠白色為主調，配埋店內木系傢俬、落地玻璃，門口投影機嘅短詩，氣氛休閒舒服🙂。阿叔第一次嚟，感覺就好似去咗台灣嘅咖啡店咁。.同呢排新開嘅咖啡店有啲唔同，呢度主要提供多款日式輕食、定食同蛋糕。跟幾位朋友午飯時間🕛嚟到，當然唔係飲杯咖啡☕️就走啦！呢度嘅定食($78)🍱都幾豐富，一個價錢包2款飯糰🍙、1款主食🥘同埋2款配菜🥗。主食可揀關東煮、豚肉角煮同照燒雞肉，配菜選擇就更多樣化，醬油蛋🍳、骨附腸、和風豆腐等。阿叔就最鍾意佢哋嘅飯糰🍙，選用咗日本越光米，煮出嚟嘅飯夠大粒、又黏又有彈性，嚟到必食！😋