Video
Read full review
2020-11-01
2868 views
氣溫近終回落有涼快既感覺，9,10月除左係我最鍾意既時間，同時又係食大閘蟹既季節。最近原來利寶閣有120分鐘 大閘蟹All You Can Eat! $488大閘蟹烹調方法，分別為清蒸、花雕蒸、鹽油焗3種煮法。啖啖滿足幸福感，幸福就係咁簡單。蟹膏甘香美味，蟹肉夠鮮甜。唔會細隻得似bb蟹，絕對抵食。試左咁多款各有特色，不過我自己最鍾意都係清蒸。因為蟹夠新鮮，就咁清蒸已經夠哂鮮甜食到最原味。鹽油焗大閘蟹第一次試呢個食法，估唔到幾特別，外層有一股鹹香同香蔥既味道。其中每位只限1隻既花雕醉蟹(凍食)，有別於平時既口感，蟹膏變得有更有質感。當然唔會淨係得大閘蟹咁單調，招牌京式片皮鴨，生炒糯米飯以及多款甜品任點任食仲會每位送蠔皇8頭鮑花菇一隻及原盅花螺頭花膠燉湯一份。招牌京式片皮鴨 — 由於即叫即片，所以片皮鴨就要排一排隊。不過眼見源源不絕，每次都拎2隻出黎，大家大可以放心。如果肚餓更加可以request 要隻髀食下，油甘肉多。生炒糯米飯 — 糯米飯依然軟糯，飯底唔會有成層油，非常出色。楊枝甘露好好味，真材實料。絕對冇偷工減料。幸好同朋友一早就叫左2碗，因為到尾聲既時候已經供不應求。不得不提枱與枱
最近原來利寶閣有120分鐘 大閘蟹All You Can Eat! $488
大閘蟹烹調方法，分別為清蒸、花雕蒸、鹽油焗3種煮法。啖啖滿足幸福感，幸福就係咁簡單。蟹膏甘香美味，蟹肉夠鮮甜。
唔會細隻得似bb蟹，絕對抵食。
試左咁多款各有特色，不過我自己最鍾意都係清蒸。因為蟹夠新鮮，就咁清蒸已經夠哂鮮甜食到最原味。
鹽油焗大閘蟹第一次試呢個食法，估唔到幾特別，外層有一股鹹香同香蔥既味道。
其中每位只限1隻既花雕醉蟹(凍食)，有別於平時既口感，蟹膏變得有更有質感。
當然唔會淨係得大閘蟹咁單調，招牌京式片皮鴨，生炒糯米飯以及多款甜品任點任食仲會每位送蠔皇8頭鮑花菇一隻及原盅花螺頭花膠燉湯一份。
招牌京式片皮鴨 — 由於即叫即片，所以片皮鴨就要排一排隊。不過眼見源源不絕，每次都拎2隻出黎，大家大可以放心。如果肚餓更加可以request 要隻髀食下，油甘肉多。
生炒糯米飯 — 糯米飯依然軟糯，飯底唔會有成層油，非常出色。
楊枝甘露好好味，真材實料。絕對冇偷工減料。幸好同朋友一早就叫左2碗，因為到尾聲既時候已經供不應求。
不得不提枱與枱之間有petition，所以除左私隱度提升一百倍感覺更安全更衛生，重點就算食得都幾核突無儀態都唔會人睇度。
需要為員工平反一下，上菜速度都夠快，並非好似某啲評語所言勁耐先上菜。
而且都冇出現漏單情況。雖然人手不足，但眼見員工都依然有笑容、有禮貌。
大家要量力而為，記得唔好浪費食物啦！
#利寶閣 #大閘蟹放題 #任食 #糯米飯 #片皮鴨 #花膠燉湯 #鮑魚
Post
