2
都真係好一段日子冇出嚟任飲任食喇!!聽朋友介紹...帶咗朋友仔嚟試呢度嘅<<120分鐘和牛放題>>
無論平日定假日都係一律$438，而且唔好俾個名呃咗😌
唔止和牛㗎!! 部分海鮮、日式刺身、熟食、小食、前菜都係任食㗎🤤
一坐低就已經有店員拎咗一大碟海鮮拼盤!
仲一邊幫你燒，一邊教你要點燒&燒幾耐! 等你之後再點再encore都識得自己嚟😊
1
好豐富㗎!! 有蝦有鮑魚...仲有生蠔、扇貝同好少放題有得食嘅甲羅燒呀😍
正正正!!!
和牛拼盤都擺得好靚~
而且清楚寫好每一個部位!
方便你記低自己鍾意食咩再落單!!
刺身選擇都好多!
而且你㩒幾多塊，佢真係俾足咁多塊你🤗
而且入口都好冰凍鮮甜!
臨last仲有movenpick添呀!
呢個ending 實在係太完滿喇👏🏻👏🏻👏🏻
