但馬屋 (V City)

Open Now

Now Closed

『豬肉打邊邊都可以好好食🤤同年糕一齊食』屯門間但馬屋開左咁耐都係第一次去，因為次次經過都排好長龍，睇到廣告話宜家做日北海道大地豚肉主動，即刻約人去食！！因為我唔食得牛，有時打邊爐都要朋友就我唔好食牛，但呢度係一人一鍋，唔會唔小心破戒！『 期間限定 • 冬の白雪鍋 』白雪湯底都幾特別，有好多野菜絲，鋪左四片豚肉，中間再加個白蘿蔔蓉波波，好似一個雪球咁，蘿蔔吸收左鏗魚湯汁變得非常美味。另外仲有一盤日本年糕，店員教我地用日本年糕片卷住野菜絲同北海道夢之大地豚腩肉一齊食，年糕只需烚數秒就變得很軟糯，和豚肉野絲很夾，第一次咁食，感覺好新鮮。日本年糕片，北海道夢之大地豚腩肉，野菜絲都係無限refill架。$289嘅套餐有澳洲產長期穀飼牛，嚴選牛肉同丹麥皇冠豚肉，一共兩款牛兩款豬揀，另外出面仲有自助吧，提供蔬菜丸類同Häagen-Dazs雪糕任食。任飲飲品自己係雪櫃拎，要asahi啤酒同肉類直接同侍應講，上菜都幾快，所以90分鐘其實都足夠，時間一夠就會有店員提醒，所以如果想食多杯雪糕就要早少少去拎，因為要排隊。