🎂同好姊妹慶祝生日，當然要搵間充滿浪漫氣氛嘅餐廳啦！今次我選了位於炮台山嘅西班牙餐廳ROJO，餐廳融入亞洲元素Fusion Tapas和飲品，每款都好吸引。
🌮我哋點了晚市2人餐，有5個Tapas、1份主菜和一份甜品，可以多嚐試唔同款式。
⭐️番茄銀魚柳多士
銀魚柳配新鮮蕃茄蓉，有好清新的口感，加上香脆的多士，十分好味。
⭐️煮青口，香檳忌廉汁
青口配搭香檳忌廉汁，估唔到會咁開胃，令人一口接一口。
⭐️黑松露野菌芝士可樂餅
外皮炸到好香脆，入面又好Juicy，有淡淡的黑松露香味。
⭐️西班牙鱈魚可樂餅
外脆內暖，有香濃的鱈魚味。
⭐️西班牙白毛豬風乾火腿（24個月）
肉質香甜，好夾白酒一齊食。
🍗主食點了西班牙燒乳豬，乳豬皮好香脆，配菜有燒新薯和清新的青蘋果茸。甜品有西班牙肉桂油條，暖笠笠嘅肉桂條配埋朱古力醬和雪糕一齊食，又脆又凍又暖，口感層次好豐富呀！
