瓏門冰室 (Closed)

【#龍門冰室】【 #最強黃店】#黃色經濟圈，一直都唔鼓勵只懲罰單一的黃店，但呢間黃到金，唔食唔得。xx食左咩xx#咖哩焗雞扒飯～佢個menu好多元化架，有焗野意粉鐵板餐等等，但因為太多人懲罰佢地，所以唔係全部menu有嘅野都有得食。焗野可以揀醬汁揀餸同飯或意粉，仲有野飲，飲左熱奶茶，因為味道唔錯，所以都幾抵食，我星期日晚上八點半去唔洗排隊。 ～想叫芝士四重奏意粉，姐姐話冇啲咁複雜的野😂～叫左咖哩汁雞扒焗飯，但塊雞扒唔熟架，同埋多左一塊豬扒😂同侍應姐姐講返，佢即話都話叫廚房剪左塊雞扒先焗，廚房唔肯，話剪左唔靚，姐姐話要卑返塊雞扒我，我話唔洗啦，我食飽，但如果啲細路唔識分熟唔熟，食壞左就唔好啦！佢話會同廚房講返...... 不過呢，咁係唔會令我割席的，只要個老闆無忘初心，就要撐啦！xx後話xx想黃色經濟圈持續落去，質素同服務都好重要，睇到好多間黃店生意都好好，寫明招呼會唔好，有啲直頭唔好食，短暫就話撐住你地啫...長期真係擔心你地。作為香港人，真心唔想輸。#會再幫襯🙆🏻‍♀️