Video
Read full review
2025-01-02
198 views
🌖招牌脆皮BB鴿 $58BB鴿都幾大隻，唔多肥膏又唔會太鹹，而且肉嫩多汁，就算唔太脆皮我都會大力推薦👍🏻。🌗荔枝蝦球 $78一份有六粒蝦球，外層沾滿紅色粒粒，十足十荔枝咁樣，加埋掛喺盆景之上，真係打卡必備，臨近聖誕仲掛有裝飾燈同掛飾，食中菜都有聖誕氣氛；醬汁酸酸甜甜，感覺清爽，有畫龍點睛之效。🌖魔鬼香辣味烤魚（中辣中麻） $198烤魚用上加州鱸魚，先煎後煮，肉質嫩滑；配料方面有海鮮菇、萵筍片、蓮藕片、雲耳、豆卜等，都幾豐富；另外叫咗羊肉片 （+$48），羊肉味都幾重，可以encore。🌖炸饅頭 $58Signature dish！又一打卡美食，一份六件炸饅頭放喺船隻上面，加埋乾冰嘅煙霧由船底冒出，氣勢夠晒磅礡。留意返餐點嘅出菜時間非常快，臨食完先點嚟做甜品，會比較食到炸饅頭嘅香脆。🌖大大杯水蜜桃雜果茶 $38烤魚入口時，覺得辣度尚可接受，但越食越辣，好彩叫咗杯雜果茶，帶有甜味可以解辣；而且份量超大，唔使怕唔夠飲。-12月營業時間：11:30am -11:00pm12月星期日至四晚市消費滿$300送香辣雞煲 1 份（12月24-26、31日除外）-#soso_foodie2024 #so
🌖招牌脆皮BB鴿 $58BB鴿都幾大隻，唔多肥膏又唔會太鹹，而且肉嫩多汁，就算唔太脆皮我都會大力推薦👍🏻。
🌗荔枝蝦球 $78
一份有六粒蝦球，外層沾滿紅色粒粒，十足十荔枝咁樣，加埋掛喺盆景之上，真係打卡必備，臨近聖誕仲掛有裝飾燈同掛飾，食中菜都有聖誕氣氛；醬汁酸酸甜甜，感覺清爽，有畫龍點睛之效。
🌖魔鬼香辣味烤魚（中辣中麻） $198
烤魚用上加州鱸魚，先煎後煮，肉質嫩滑；配料方面有海鮮菇、萵筍片、蓮藕片、雲耳、豆卜等，都幾豐富；另外叫咗羊肉片 （+$48），羊肉味都幾重，可以encore。
🌖炸饅頭 $58
Signature dish！又一打卡美食，一份六件炸饅頭放喺船隻上面，加埋乾冰嘅煙霧由船底冒出，氣勢夠晒磅礡。留意返餐點嘅出菜時間非常快，臨食完先點嚟做甜品，會比較食到炸饅頭嘅香脆。
🌖大大杯水蜜桃雜果茶 $38
烤魚入口時，覺得辣度尚可接受，但越食越辣，好彩叫咗杯雜果茶，帶有甜味可以解辣；而且份量超大，唔使怕唔夠飲。
-
12月營業時間：11:30am -11:00pm
12月星期日至四晚市消費滿$300送香辣雞煲 1 份（12月24-26、31日除外）
-
#soso_foodie2024 #soso_hk2024 #soso_100至200元 #soso_200至400元 #風雲排檔 #大排檔 #炸饅頭 #乳鴿 #烤魚 #風雲排檔
#soso_黃店 #我地真係好鍾意香港 #香港人加油 #你今日黃咗未 #懲罰黃店
想睇同區食店介紹？可以參考👇🏻👇🏻
#soso_九龍 #soso_旺角
想睇同類食物介紹？可以參考👇🏻👇🏻
#soso_港式 #soso_中式 #soso_辣
Post
