.
薔紅係灣仔屹立超過30年的老字號茶餐廳，佢哋嘅「金牌燒雞」皮脆肉滑多汁，簡直係灣仔名物之一！係佐敦逸東酒店低層都有佢哋嘅分店喇！
.
🐔金牌脆皮燒雞
即點即做，原隻三黄雞半隻上，戴上手套慢慢撕開熱辣辣脆皮，雞肉滑溜又多汁，點少少鹽更加惹味！
.
🍝香脆豬扒炒滑蛋豬仔包配肉醬意粉
肉醬意粉好有兒時舊香港西餐廳的味道，醬汁微酸偏甜，意粉質地軟淋淋，回憶返晒嚟！豬仔包脆卜卜，一個人食都有少少挑戰感覺。
.
🍯一口西多士
炸得黄金一樣顏色，香口又冇過分油膩感，食入口有花生醬香，多士內裡保持鬆軟，會令人一啖接一啖。
.
配埋凍檸樂和羅宋湯，酸甜開心開胃滋味的一餐！
.
💥順便一提~尖沙咀區用app叫外賣，都可以叫到佐敦薔紅宅急便㗎！
.
