Boss House

🥐嚟荔枝角探朋友，佢推介我去「波士冰室」食飯，佢話佢同啲同事成日去食，款式選擇多，份量又大份又好味。波士冰室裝修設計懷舊，座位闊落，坐得舒服。

🍳我哋點了 吉列深海魚柳漩渦蛋包飯 和 西冷牛扒漩渦蛋包飯，白飯被漩渦蛋包住係入面，份量超大，賣相都十分吸引，蛋上有鰹魚片。西冷牛扒煎得啱啱好，肉質鮮嫩。吉列深海魚柳炸得外脆內軟，口感一流！瑞士汁雞翼 都好推介，雞翼煮得好淋，瑞士汁又香又入味！

🥪仲有當然要叫呢度好出名的 粒粒花生醬西多士啦！香滑的花生醬配搭香甜的糖漿，食一啖之後就完全停唔到口，好正！