之前聽人地介紹「Omakase」，自己一直都好想試，就上網搵下啦！見呢間鮨豊評價都幾高又近我地，就試試啦！
Omakase即廚師發辦，由廚師為你挑選最優質最時令的食材，係日本料理的最高境界。
店內座位不太多，二十到三十個座位左右，高檔既格局令人覺得坐得好舒適。
經店員介紹，我地決定點一個Omakase套餐同一個Sushi Toyo Special Set，可以兩款都試試麻～
Omakase$880
Omakase菜式都會先吃涼食再食熱，師傅解釋次序就像西方人用膳後都喜歡喝一杯咖啡一樣。
冷砵：
日本蕃茄、冰菜、魚肝
第一次食魚肝，起初都怕好膩，但食落濃郁甘香，口感幼滑而豐富～
壽司十貫：
有秋刀、花足蝦、赤貝、鰤魚、左口魚、拖羅
筋拖羅， 識食拖羅一定食呢個刁鑽位！魚味極濃～
赤貝原隻開邊，爽口鮮甜又多汁，好有咬勁。
花竹蝦，又名車海老，厚實蝦肉入面夾入蝦膏同白松露，嘩～好似升左仙
另外仲有金目鯛 、Kinki、 海膽、 剝皮魚 同 玉子
金目鯛 好香口～
Kinki 上面有點咸咸的，味道互相輝映～
海膽 滿口海膽真係好滿足，甜甜的，十分新鮮！
剝皮魚 師傳用漬入味，帶出有一種特別又甘香既魚油味～
玉子不止是甜，其鬆軟口感，完全體現師傅既功架！
手卷：
睇住師傅細心地將吞拿魚剁碎，近乎滿瀉既吞拿魚蓉手卷，啖啖吞拿魚。記得要立即食，否則紫菜吸左濕氣就冇咁脆～
吸物：
好喜歡呢個立魚湯，濃郁既魚味，而且有厚厚既立魚魚肉同豆腐。
甜品：
靜岡蜜瓜 ＋ 綠茶奶凍
個蜜瓜超甜啊！清甜多汁，入口即溶化既感覺真令人滿足！
而綠茶奶凍口感細滑，抹茶控一定要試！除了甜甜既紅豆，仲有金箔！！！好名貴啊～
Sushi Toyo Special Set$800
嘩嘩嘩～ 好吸精既賣相啊～
三款海鮮丼，包括海膽、三文魚子同黑鮪魚腩蓉
海膽丼 新鮮一D都唔腥，仲帶點點清甜！
三文魚子丼 三文魚子粒粒飽滿晶瑩，鮮味爆分！
壽司三貫 包括：赤身、中拖羅、大拖羅
赤 身 ， 肉 呈 赤 紅 色 ， 肉 質 爽 而 結 實 ， 魚 味 較 淡 ，所以由呢件開始食起會好D ：）
最肥美既大拖羅則留在最後，因油脂含量高，入口即溶化，味道較濃郁
海膽丸內實況：
烏魚子海膽蝦丸，即炸即上檯，其香氣令人食慾大增。外面彈牙，入面則是滿滿的海膽，味道濃郁～好食！
牡丹蝦 上面綠色的是牡丹蝦籽，口感黏黏，十分特別。
蜆湯 十分甜美
甜品是黑芝麻雪糕 ＋ 綠茶奶凍
鮨豊
天后琉璃街4號地下
