.
泰簡單開業多年，係銅鑼灣其中一間歷史悠久嘅泰國餐廳，唔少人包括我都有啲回憶㗎！今次再去味道和感覺依然。
餐廳裝修具泰國風味及特色，座位坐得舒服，窗多又大，靠窗可以望住銅鑼灣繁華街景，平日晚上都幾爆，預早訂位會比較穩陣。
.
/椰汁雞湯
酸酸地又有椰香同雞味香葉味，味蕾沖擊，雞肉滾湯後肉質結實，有少少似瘦肉口感，豐富蛋白質，感覺健康。
.
/菠蘿炒飯
多年老店俾到我信心，炒飯多料，鮮魷魚粒粒爽口彈牙，我次次嚟都點炒飯。
.
/蟹肉米粉生菜包
平時食日食肉碎生菜包，嚟到呢度一定轉點呢味，米粉分好晒在片片生菜上，淋上蟹肉汁，酸酸甜甜好醒胃，同米粉超夾。
.
/馬拉盞炒椰菜苗
夠鑊氣又唔太油，惹味非常。
.
/椰青&荔枝特飲
簡單食簡單飲，椰青夠凍又解辣，荔枝打成冰冰，邊飲邊啜到粒粒荔枝肉，成功中和返食物的濃味感。
