河內越式料理 (西洋菜南街)

Open Now

Now Closed

連鎖越南餐廳，裝修唔錯，仲加咗唔少聖誕裝飾，坐落都幾舒服～ 久唔久想食越南嘢都會諗起佢，九龍新界都有分店，可以輕鬆一解口癮。💡 越式香茅豬扒湯檬 $62湯底好濃，鍾意辣可以另外再加辣椒，都可以吱多少少青檸提鮮。豬扒經油炸後，鎖住肉汁，肉好腍好易咬。💡 香茅雞翼湯河 $62河粉份量真係好多，雞翼香嫩，配住熱湯底好暖好味。💡 越式豬頸肉 $32豬頸肉邊位好脆，厚薄切得剛剛好，仲係熱辣辣咁上。配上甜辣醬，好惹味～💡 熱菜蜜 $3 & 熱檸檬蜜糖薑茶 $3 冬天飲返杯熱飲都唔錯，自己好喜歡杯熱檸檬蜜糖薑茶，甜甜地但又有薑辣，好暖胃。