Video
Read full review
2022-12-21
44 views
一入到呢間餐廳，店員就會打鼓，作為食客即刻有一種有畀人用心款待嘅感覺。而店內裝修有紙燈籠，且設有自助茶水位置，好有喺日本嘅感覺🇯🇵✨✍🏻 /M7澳洲和牛200克配野菜豆腐盤▪️價錢：HK$258▫️稻庭烏冬 +HK$14（半價後價錢）▫️沖繩黑豚肉+HK$39 （半價後價錢）▪️美味指數：♥♥♥♥♥糾結咗好耐叫「日本A4黑毛牛」定呢個「M7澳洲和牛」好，最後見到menu仲有串燒想試，咁就揀咗個相對平啲嘅和牛鍋！但澳洲和牛真係已經滿足到我（定我太易滿足），每一塊望落都好靚！而野菜豆腐盤都幾豐富㗎～有洋蔥、豆腐、娃娃菜、菇仔、粉絲同蘿蔔⋯落單時估唔到追加配料原來好似有半價，沖繩黑豚肉100克HK$39有成差唔多7塊，都幾抵食啦！為咗唔好浪費個壽喜燒湯底，我哋就加埋個稻庭烏冬，實夠曬飽！✍🏻 /芝麻雞翼▪️價錢：HK$19（半價後價錢）▪️美味指數：♥♥♥♥♥誇張！3隻雞全翼我以為菜單上嘅HK$38已經係半價後價錢，估唔到原來只需HK$19就有齊3隻，真心超級抵食！雞翼上枱熱辣辣，炸到脆卜卜，完全滿足曬我想食炸雞嘅心情🤤✨✍🏻 /汁燒大蔥雞肉▪️價錢：HK$22▪️美味指數：♥♥♥♥♡賣相好吸引，燒大蔥幾時
✍🏻 /M7澳洲和牛200克配野菜豆腐盤
▪️價錢：HK$258
▫️稻庭烏冬 +HK$14（半價後價錢）
▫️沖繩黑豚肉+HK$39 （半價後價錢）
▪️美味指數：♥♥♥♥♥
糾結咗好耐叫「日本A4黑毛牛」定呢個「M7澳洲和牛」好，最後見到menu仲有串燒想試，咁就揀咗個相對平啲嘅和牛鍋！但澳洲和牛真係已經滿足到我（定我太易滿足），每一塊望落都好靚！而野菜豆腐盤都幾豐富㗎～有洋蔥、豆腐、娃娃菜、菇仔、粉絲同蘿蔔⋯
落單時估唔到追加配料原來好似有半價，沖繩黑豚肉100克HK$39有成差唔多7塊，都幾抵食啦！為咗唔好浪費個壽喜燒湯底，我哋就加埋個稻庭烏冬，實夠曬飽！
✍🏻 /芝麻雞翼
▪️價錢：HK$19（半價後價錢）
▪️美味指數：♥♥♥♥♥
誇張！3隻雞全翼我以為菜單上嘅HK$38已經係半價後價錢，估唔到原來只需HK$19就有齊3隻，真心超級抵食！雞翼上枱熱辣辣，炸到脆卜卜，完全滿足曬我想食炸雞嘅心情🤤✨
✍🏻 /汁燒大蔥雞肉
▪️價錢：HK$22
▪️美味指數：♥♥♥♥♡
賣相好吸引，燒大蔥幾時都係咁好味，如果雞肉再多少少調味會更加正🐥✨
✍🏻 /白Suntory
▪️價錢：HK$68/500毫升
▪️美味指數：♥♥♥♥♡
超大杯，見到就元氣滿滿！啱曬叫個鍋慢慢嘆吓、傾吓計🍺✨
✍🏻 /芒果梅酒
▪️價錢：HK$68
▪️美味指數：♥♥♥♥♥
呢杯好啱女仔飲，芒果甜味都幾重，相比下酒精味道則較弱，所以整體比較易入口，不知不覺就飲曬成杯🥭✨
Post
