Video
Read full review
2023-10-19
35 views
今次終於一嚐韓燒過江龍喜來稀肉，剛好係萬聖節，唔只布置有氣氛，連店員都貼咗膠布，開頭諗咗陣究竟係咁啱一齊受傷定點，其後發現係造型，真係相當有心思。店內地方寬敞，座位之間唔會太近。每個爐上就直接係抽煙機，唔會太大陣烤肉同油味飄揚。配菜區可以任拎，有韓式嘅配料包括：生菜🥬、泡菜、醃蘿蔔等等，等你可以生菜包肉。調味料都充足，甜醬油、麻油、豆瓣醬，連wasabi都有。💡辣韓豚五花肉 $180呢款係新推出，平時鍾意食牛多過豬，點知我超鍾意呢款。先係調味夠入味，係韓式嘅甜辣，肉質好腍，肉汁又夠。始終係五花肉，怕太油就可以包生菜，加埋泡菜(私心好鍾意呢度嘅泡菜，唔會太酸)。💡喜來烤肉 $158喜來烤肉砌到一朵花咁🌸，記得燒前沾下底嘅醬汁，一燒起真是香氣四溢。醬汁味道甜甜地，唔洗沾醬都夠味，而且係薄切，一咬可以感受咁質感同味道，難怪會係招牌～睇得又食得！💡牛護心肉 $160聽朋友講一定要試護心肉，所以就點返一碟。護心肉係豬橫膈膜同肝之間既肉筋，每隻豬得200-300g咋！脂肪少所以口感結實厚身，冇脂肪唔怕會柴，因為肉嘅彈性唔錯。💡牛五花 $158本來叫咗三碟，但開啟咗食肉之門，忍唔住又試多一碟，叫咗最
店內地方寬敞，座位之間唔會太近。每個爐上就直接係抽煙機，唔會太大陣烤肉同油味飄揚。配菜區可以任拎，有韓式嘅配料包括：生菜🥬、泡菜、醃蘿蔔等等，等你可以生菜包肉。調味料都充足，甜醬油、麻油、豆瓣醬，連wasabi都有。
💡辣韓豚五花肉 $180
呢款係新推出，平時鍾意食牛多過豬，點知我超鍾意呢款。先係調味夠入味，係韓式嘅甜辣，肉質好腍，肉汁又夠。始終係五花肉，怕太油就可以包生菜，加埋泡菜(私心好鍾意呢度嘅泡菜，唔會太酸)。
💡喜來烤肉 $158
喜來烤肉砌到一朵花咁🌸，記得燒前沾下底嘅醬汁，一燒起真是香氣四溢。醬汁味道甜甜地，唔洗沾醬都夠味，而且係薄切，一咬可以感受咁質感同味道，難怪會係招牌～睇得又食得！
💡牛護心肉 $160
聽朋友講一定要試護心肉，所以就點返一碟。護心肉係豬橫膈膜同肝之間既肉筋，每隻豬得200-300g咋！脂肪少所以口感結實厚身，冇脂肪唔怕會柴，因為肉嘅彈性唔錯。
💡牛五花 $158
本來叫咗三碟，但開啟咗食肉之門，忍唔住又試多一碟，叫咗最邪惡嘅牛五花。可惜飽飽地，叫唔到碗飯，相信油分滲落白飯會好香，但我唯有繼續包生菜，同樣好好食。菜都中和咗油膩感，牛五花嘅肉香真係好正！🥩
💡泡菜 & 芝士爐邊蛋
爐邊蛋免費任添，我自己比較大膽，鍾意食7成熟，蛋漿未完全熟晒好滑又香，仲拉到芝士絲。🍳
店員全程照顧周到，我呢啲手腳笨拙人士，包親生菜又咬唔斷，肉汁由尾巴都流晒落隻手。店員好醒目遞上濕紙巾，枱上都仲有酒精噴霧，唔怕食到隻手都痴笠笠👐🏻，呢種貼心程度真係好抵讚。
Post
