Espuma (QRE Plaza) (Closed)

【 大棉花糖勁吸引 • 打卡甜品 】🎂同兩個寶貝慶祝生日，我哋黎左灣仔既Espuma 食晚餐，兩兄弟一見到咁大個棉花糖甜品上枱，兩個勁興奮呀！ 🍰餐廳環境優雅舒適，以Fusion美食為藍本，融入中西日各地料理的特色，有多道驚喜菜式，而且店員服務態度親切，見到小朋友會提供可愛的餐具，又會細心問食物啱唔啱小朋友口味。💓安妮媽媽推介菜式 :🍜慢煮6小時牛肋肉龍蝦闊蛋湯麵 牛肋肉低溫慢煮6小時，肉質非常軟嫩，啖啖肉好好食。闊蛋麵吸收哂龍蝦湯底的精華，好味到弟弟食唔停口呢！🍕 蜜糖烤雞薄餅薄身Pizza 既餅底脆卜卜，薄餅上鋪滿烤雞、肉腸、蕃茄和菠蘿等餡料，再配上香濃的蜜糖醬汁，非常好味。🥬香煎帶子忌廉菠菜汁意大利飯菠菜汁意大利飯勁香，3粒超巨型既帶子煎得啱啱好，爽口彈牙，哥哥食咗一大碗意大利飯。🥭柚子芒果布甸窩夫（配棉花糖及雪糕）嘩嘩嘩！個甜品一上枱我哋已經好興奮喇！大玻璃盆上放左一個大大棉花糖，棉花糖有3種顏色架，食完粉紅色，第二層係藍色，第三層係白色，好驚喜。🍓食完棉花糖就開始食下面的雪糕、芒果布甸和窩夫，仲有兩兄弟最愛的水果，水果款式有好多呀，有蜜瓜、哈密瓜、柚子、草莓、藍莓和紅莓等等。