呢間蛋糕店最吸引我就係佢哋嘅蛋糕造型 每一款都好有心思 少女心滿滿的🌸好啱打卡 除左外貌靚✨仲有好多種口味，都唔同水果同茶味蛋糕。每款都想叫，選擇困難下叫左呢3款～
一款係靚靚的士多啤梨忌廉蛋榚🍓士多啤梨可能唔係當造 食落有啲酸，忌廉打得好creamy，蛋糕都濕潤唔乾。
另一款係日本宇治抹茶麻糬蛋糕🍵外皮係脆皮殼 吉開入面主要係cream+抹茶奶凍為主 仲有一舊牛奶麻糬🥛抹茶味都幾足 有微微苦澀 食落唔會太甜
最後，就係唔係個個都接受到嘅榴槤蛋糕😆我自己就好中意榴槤嘅！不過呢個榴槤蛋糕係剩係得榴槤味，係冇任何榴槤肉㗎，有啲可惜！覺得如何食到榴槤肉會加分好多！！用上金枕頭，成日蛋糕質地都係mousse質地。
仲有叫多一個焦糖味Scone，食落鬆化，但有少少乾同我覺得太甜。
飲品方面，叫咗一杯芋圓芝士奶蓋綠茶🧀估唔到嚟到咁大杯！芝士奶蓋嘅味道唔知點解有啲似瑞士卷嘅味 有少少鹹 整體都係偏甜一啲嘅奶蓋。芋圓好煙韌，我覺得呢杯飲品拍得住出邊啲茶飲店🧋！
.
💸: $300內
———
📍Soffee (旺角)
旺角彌敦道700號T.O.P. This is Our Place地下G06, G10號舖
#kanteen旺角 #kanteen_cafe #kanteen抹茶控 #kanteen甜品有第二個胃
