好開心見到「君蘭」呢個傳統品牌有新形象新分店！最深刻印象係芝士條！宜家嘅芝士條有好多款味道喇！仲多咗好多創新款式麵包和撻！一齊去睇吓啦！
.
⭐️星星撻
•星星撻來自5星級酒店前東方文華酒店餅師主理，堅持全人手逐層製作，唔同顏色嘅星星撻有唔同名稱和味道。金星星是法式布甸口味，中間法式布甸餡好香滑呀，外皮手工精緻，藝術品咁，食落好酥脆，超有水準。
.
⭐️經典港式曲奇
懷舊曲奇味道共7款：港式朱古力醬曲奇、港式花生曲奇、港式士多啤梨曲奇、港式鹹蛋肉鬆曲奇。鍾意邊款自己夾，以重量計算。
•我鍾意港式鹹蛋肉鬆曲奇，好似食緊肉鬆咁，有肉鬆香味，口感鬆化，好惹味！
1
.
⭐️忌廉筒
又一香港經典，今次見到好多新味道：寶礦力味、黑松露味、紫薯味、煙肉薯仔味，我揀咗近期大熱嘅開心果味和煙肉薯仔味！
•開心果醬好澎湃，咬一啖就唧晒出嚟，開心果醬口感滑溜，唔太甜！
•煙肉薯仔味就好似食緊西餐咁，好香煙肉味好飽肚！
.
⭐️麻糬芝麻菠蘿包
•菠蘿包外表已經好吸引🤩，變咗顏色好有喜感，食嘅時候好有層次，表層有傳統菠蘿包嘅甜味，夾住一片白色係麻糬，咬口煙韌，仲有芝麻流心。
.
⭐️雞批
•傳統港式經典，保留住傳統雞批味道，用料足磅有雞粒仲有少少草菇，撻底焗得好香口。
.
⭐️雞肉法包多士
•焗得香脆，法包底出奇地軟熟。
